Менеджмент

диэн салайар үлэ буолар. Үлэлиир хампаанньан үүнэрин- сайдарын туһугар биир сыалы ситиһэргэ, дьону түмэн биир санаалаан, салайан илдьэ сылдьар киһи ааттанар.

Киэҥ билиилээх үлэһит

Бу хаачыстыба биир анал сүүрээнинэн дьарыктанар дьоҥҥо баар буолар, ол эбэтэр ырытар, ырыҥалыыр үлэ, научнай чиҥчийээччи, үп-харчы салаатынан үлэһиттэр уо.д.а.

Тутулуга суох

Ыгым графикка сөп түбэһэн буолбакка, көҥүл бириэмэнэн сылдьан үлэлииллэрин ордорор дьон хаачыстыбата. Кини сарсыарда 9 чаастан, киэһэ 18чааска диэри бириэмэлээх үлэҕэ ыгыллыа, тыйыттыа, үлэтин кэмин көҥүл дьаһанан сылдьар киниэхэ ордук буолуо. (фрилансер, урбаанньыт).

Көмөлөһөөччү

Дьоҥҥо сүбэ- аман буолан, ыйан- кэрдэн биэрэрин сөбүлүүр киһи бу хайысхаҕа элбэх бааллаах буолар. Кини инники идэтин атын дьоҥҥо көмөлөһөргө анаатаҕына ордук күүскэ табыллыаҕа, аһыллыаҕа.

Ыысталлаах

Кини буолары барытын күрэх курдук ылынан кыайыы- хотуу аатыгар сылдьыан баҕарар, куттанар диэни билбэт, эрэллээх санаалаах киьи хаачыстыбалардаах. Ыыстаһарын, тыл быраҕарын сөбүлүүр.

Урбаанньыт

Буоларын курдук тугу эмит саҥаны кимиэхэ да суоҕу толкуйдаан таһааран, анал аат иҥэрэн онон дьарыктанарын сөбүлүүр киьи. Кини дьону кытта бодуруһан улахан тэрилтэҕэ үлэлиэн сөп эрээри, бэйэтин көрдөрөр- биллэрэр санаата киэҥ буолуон сөп.

Бигэ турук

Харысхаллаах, бигэ туруктаах сананар үлэни талан ылан дьарыктаннаҕына киниэхэ ордук үчүгэй буолуо.

Дьүөрэлээһин

Кини олоҕор барыны барытын дьүөрэлээн, туохха эмит бииргэ саба түһэн буолбакка, биир кэм үлэни, дьиэ кэргэни, бэйэни сөптөөхтук наардаан дьарыктанар киһи буолар.