Результат теста для подростков (ДДО) Е.А. Климова
Киһи бэйэтэ
0
Киһи олоҕун тухары бэйэ кыаҕын табыгастаахтык көрдөрөрө, ол туһугар кыһамньыта, дьаныара барыта биир өйдөбүлгэ тиһиллэр, ол эбэтэр маннык бөлөх идэ хаачыстыбалара киһи тус кыаҕын дьарыктыырын туоһута буолар. Бу маннык көрдөрүүлээх түмүктээх дьон спорстсмен, тренер, модель буолаллар.
Киһи уонна техника
0
Техникаҕа сыстаҕас буоллаххына бу эйгэ эйиэхэ чугас. Араас техника хайдах үлэлиирин билэр, кээмэйдэри өйдүүр, ыһары-таҥары сатыыр сатабыллааххын. Өйүҥ-санааҥ үлэтин тута былааҥҥа тиһэҥҥин олоххо киллэрэр, саҥаны саҕахтыыр ураты дьоҕурдааххын. Атын дьонтон толкуйун туспа, тэрил, туттар мал иһин, ис тутулун ырытар, ырыҥалыыр дьарыктааххын. Тимир, гаас уонна да атын матырыйааллар эйгэлэригэр таһаарыылаахтык үлэлиэхтэрин сөп. Кинилэр үчүгэй столяр, пекарь, кондитер, шахтер буолаллар.
Уус- уран киһи
0
Табыллыылаахтык ойуулуур-дьүһүннүүр, дьүһүйэр, туспа көрүүлээх, чараас эйгэлээх уус-уран дьоннор куруутун иэйиилэрин көрдөнөр туспа туруктаах буолаллар. Дьону курдары көрөр, иһиликтэнэр иэйиилээх дьикти талааннахтар. Атын дьон хараҕар туспа олоххо, атын эргииргэ сылдьар курдук буолаллар эрээри сүдү күүстэрин сөптөөхтүк таһаарар толкуйугар ылларалларын бэлиэтэ. Суруйааччы, оруолу толорооччу, худуоһунньук, скульптор, дизайнер, мода айааччы, реставратор, ювелир буолуохтарын сөп.
Киһи уонна айылҕа
0
Бу хайысхаҕа үлэлиир дьон айылҕаҕа истиҥ сыһыаннаахтарынан биллэллэллэр. Тыалар- алаастар олохторун тэтимин өйдүүр, үүнээйи, хамсыыр- харамай, сүүрэр-көтөр туһунан киэҥ билиилэрин күннэтэ сайыннараллар, ол көмөтүнэн батаһыннаран киэҥ чиҥчийиилэри оҥоруохтарын сөп. Туспа дьикти ырыҥалыыр, ырытар уратылаахтар, тулуурдаахтар, кыылга- сүөлгэ сыстаҕастар. Ветеринар, агроном, сир мээрэйдээччи, геолог, овощевод, тустаах наука үлэһиттэрэ буолуохтарын сөп.
Киһи уонна киһи
0
Олоҕун өрүү дьон тула эргийэр, дьону кытта сөптөөх тылы булар, бодоруһар эн туһаан туспа сатабылын буолар. Бу көрдөрүү сүрүннүүр идэлэрэ киэҥ дабааннаах буолуохтарын сөп, ол курдук, учуутал, иитээччи, быраас, медицинскай сиэстирэ, юридическай хайысхалар үлэһиттэрэ (судьуйа, следователь, адвокат), өҥө онорооччу (атыылааччы, парикмахер) идэлээх буолуохтарын сөп. Туора дьону кытта алтыһыы тутаах дьарык буолан, киһини өйдүүр, өйүүр үөрүйэхтэрэ үрдүк таһымнаах буолаллар.
Киһи уонна ситимнээх бэлиэлэр
0
Үрдүк таһымнаах абстрактнай толкуйдуур дьоҕур киэҥник сайдыыта, тулуурдаах, болҕомтолоох буолуу бу бөлөх идэлэригэр ордук суолталаах. Тыл ситимнээх бэлиэлэрин түргэнник ылынар киһи историк, корректор, нотариус, паспорт толороооччу идэтин баһылыахтарын сөп. Графическай хаарты ситимнэрин чэпчэкитик ылынар дьон чертежник, разметчик, штурман буолуохтарын сөп. Онтон сыыппаралар араас көрдөрүүлэрин ситимнээх бэлиэлэрин өйдүүр дьон олохторун ахсааны, суоту, бухгалтерия, экономика, компьютер, интернет ситимин үлэһиттэрэ буолаллар.